40

ძველქართველ მემატიანეთა, ასევე რუის-ურბნისის საეკლესიო კრების წმინდა მამათა განმარტებით, დასავლეთ საქართველო ზოგადქართული ეკლესიის (მცხეთის) იურიდიქციის სფეროში შედიოდა გაქრისტიანებისთანავე, ვითარცა ერთიანი ქართული სახელმწიფოს (ქართლის სამეფოს) ნაწილი, ამიტომაც განმარტა ახნიშულმა კრებამ რომ წმ. ანდრია მოციქულმა იქადაგა “ყოველსა ქვეყანასა საქართველოისასა” (დიდი სჯულის კანონი, 1973, გვ, 545) ხოლო წმ. ნინომ გააქრისტიანა “ყოველი სავსება ყოველთა ქართველთა ნათესავისა” (იქვე, გვ. 546).